1. 2. 2019: Петро ЯЛЧ: Десята сторона, Ґума, Гокей, Книжка

Десята сторона

Отварять ся книжка
на десятій сторонї,
каждый є зведавый,
же што буде на нїй.

Вітайте, дїточкы,
з мамками, няньками,
о вас є тот стишок,
на десятій сторонї.

Ґума

Што збабрав карандаш,
то направить Ґума,
другый раз уж не пиш,
лем так без розума.

Што напишеш пером,
назад ся не верне,
ту уж жадна Ґума
нич не зробить за тебе.

Гокей

Гокей, то є мужна гра,
тверда, ёвыдка, напята,
радoсть є го позерати,
но хлопцї го хочуть грати.

 

Книжка

Пару мудрых людей
мать добры назоры,
такых собі важме
а берьме за взоры.

Вни добрї знають,
што правда одвіка,
же книжка найлїпшый
приятель чоловіка.

(Выбране з конкурзу о Лїтературну премю Марії Мальвоцской 2016.)