10. 4. 2019: Владыка Йоан оцїнив і русиньскы співачкы церьковных і духовных пісень
• Оцїнены русиньскы співачкы Пряшівсков ґрекокатолицьков архієпархіёв з нагоды єй минулорічной 200-рочніцї свого взнику: (злїва) Монікa Кандрачовa, Аннa Порачовa, Марія Мачошковa і Аннa Сервіцькa, якых презентація народных русиньскых, реліґійных і духовных співанок досяглa немалы успіхы і помогла їх церькви.
31. марца 2019 пряшівскый ґрекокатолицькый архієпіскоп і метрополіта Словакії, владыка Йоан (Бабяк), оцїнив шістьдесять девять віруючіх лаіків, котры суть главно з Пряшівской ґрекокатолицькой архієпархії.
По архієрейскій літурґії в Базиліцї мінор в Лютинї каждому з оцїненых передав метрополіта Памятну медайлу Юбілейного року Пряшівской архієпрахії 2018, вєдно із декретом, на котрім є мено, призвіско оцїненого і прічіна, за што были оцїнены. Меджі оцїненыма вірниками были довгорічны канторы, кураторы і віруючі, котры репрезентують Ґрекокатолицьку церьков у співі реліґійных і духовных співанок, в ґоспеловій музицїі, хоровім співі і вытварнім уменю, як і всесторонно пмагають при орґанізованю різных церьковных подій і под. Памятна медайла, котра была передана оцїненым, была выдана в рамках юбілейного року. На переднім боцї є деревяна церьков як єден із сімболів Ґрекокатолицькой церькви, конкретно є то Церьков св. Михаіла Архістратига зо села Фрічка, котра была збудована у 1829 роцї. На тім самім боцї медайлы є і ікона Краснобрідьской Богородіцї. Довкола є текст написаный по словацькы – 200. výročie zriadenia Prešovskej eparchie 1818 – 2018. На другім боцї медайлы находить ся ерб архієпархії зо словацькым текстом – 10. výročie zriadenia Prešovskej metropolie sui iuris. Автором медайлы є Русин, академічный скулптор Михал Ґавула і была выроблена у Мінцовнї в Кремніцї.
-аз-, жрідло тексту і фотоґрафії: grkatpo.sk
