10. 5. 2026:  Професоры із Америкы на Інштітутї русиньского языка і културы

6. мая 2026 завитали на наш інштітут двоми взацны гостї. Емерітный професор політічных наук Едворд М. Джеґер (на фотцї першый злїва) із універзіты в штатї Кентакі (США) і Др. Лоні Герісон (в серединї справа), директор центра ґлобалных штудій (Charles T. McDowell Center for Global Studies) і помічный професор з універзіты в штатї Тексас (шпеціалізує ся на російскый язык). Якраз зато завитав на інштітут русиньского языка і хотїв знати о Русинах і їх материньскім языку. Обидвох гостїв спроваджав професор ПгДр. Ярослав Кушнїр, ПгД. (в серединї злїва) з  Інштітуту анґлістікы і американістікы Філозофічной факулты ПУ.

М. П.