10. 8. 2019: В Ужгородї заснованый Русиньскый клуб імени Адолфа Добряньского

27. юла 2019 в конферечній салї ужгородьского готела Дружба одбыла ся установча громада сполоченьской орґанізації під назвов Русиньскый клуб імени Адолфа Добряньского. Председом новой орґанізації став педаґоґ, русиньскый публіціста, шефредактор часописів „Отцюзнина‟ і Голос Русина – Юрій Шиповіч (на фотцї четвертый злїва).

Члены нозаснованого клубу, як індівідуалны, так і тоты, котры представлюють іншы културно-сполоченьскы орґанізації, вставовили главны цїлї клубу: коордінація културно-просвітительской сполупрації меджі сполоченьскыма орґанізаціями, котрых ведучі суть членами клубу, реалізація просвітительской роботы з молодежов, находжіня і підпора новых талентів, спаяня патріотічно наладженых і творчіх людей, выміна думок і скушеностей.

Выступаючі на громадї підкреслили, же прикладом про членів орґанізації має стати особность вызначного русиньского політіка Адолфа Добряньского, в честь котрого названый быв клуб. Участници громады так істо підкреслили, же членство в клубі не мішать в тім, жебы члены не могли быти і в іншых сполоченьскых русиньскых або іншых орґанізацій, но не сміють быти в незаконных націоналістічно-шовінстічных формаціях.

Здрой: rueportal.eu

Script logo