11. 11. 2024.: Рамковый договор о охранї народностных меншын має 30 років

Перед 30 роками Рада Европы прияла Рамковый договор о охранї народностных меншын. То першый юрідічно обовязуючій мултілатералный інштрумент присвяченый охранї народностных меншын на цїлім світі, і ёго імплементацію моніторує меджінародный комітет, котрый занимать ся выключно правами меншын. Рамковый договор о охранї народностных меншын прияв Комітет міністрів рады Европы 10-го новембра 1994-го року, чінным почав быти 1-го фебруара 1998-го року. В сучасности є платный у 38 державах. Документ є єдным із найкомплекснїшых договорів Рады Европы і ёго цїлём є охрана народностных меншын.