11. 12. 2018: Стрїча народностных меншын з представителями резорту културы

В просторах кошіцького театру Талія 22-го новембра 2018-го року проходила робоча стрїча представителїв русиньской, чеськой, україньской і нїмецькой народностной меншыны, котру скликало Міністерство културы Словацькой републікы.

Основнов темов стрїчі была бісїда о творїню Стратеґії розвитку містной і реґіоналной културы народностных меншын Словацькой републікы до року 2030. „Хочеме познати погляды містных і реґіоналных актерів на сучасну сітуацію, як і на можности розвитку културы народностных меншын‟ – писали у своїм запрошіню орґанізаторы стрїчі з резорту културы.

Немалый простор участници споминаных меншын присвятьль великій крітіцї дотеперішнёй ґрантовой сістемы, котру теперь по Урядї влады СР забезпечує новый Фонд на підпору културы народностных меншын (іщі перед урядом то было Міністерство културы СР). Многы меншыны іщі дотеперь не дістали фінанції на тот рік (позн. ред. АРК в СР: подля інформацій з Русиньской оброды, їх орґанізація до днешнёго дня не дістала од фонду ани цент), хоць до 17-го децембра 2018 треба подавати новы проєкты на будучій 2019-ый рік. Представителї културы обіцяли, же о вшыткых крітічных поглядах і пропозіціях членів вшыткых штирёх народностных меншын будуть інформовати компететны орґаны.

-акуз-, НН Інфо Русин