11. 5. 2026: ПСК схвалив далшы еврофонды і до русиньскых реґіонів

4-го мая 2026-го року одбыло ся 22-ге засїданя Рады партнерства Пряшівского самосправного краю (ПСК). Як інформовала говоркыня ПСК Даша Єленёва, засїданя принесло схвалїня новых проєктовых замірів інтеґрованых теріторіалных інвестіцій.

Суть в цїлковій сумі 3,8 міліонів евр і суть прямованы на модернїшы културны обєкты, якостнїше школство, але наприклад і на ревіталізацію історічных обєктів.

Вдяка механізму інтеґрованых інвестіцій край наштартовав масівну підпору про найменшы села до 500 жытелїв. Межі підпореныма малыма селами суть теперь і русиньскы Баєрівцї і Тополя.

Рада партнерства ПСК інтензівно робить на наповнёваню фінанчной локації із Проґраму Словакія, котра є про Пряшівскій край встановлена на уровни 293 міліонів евр. Актуално є схваленых уж 92 процент алокації, іде о 257 проєктовых замірів в сумі 270 міліонів евр.

В схвальованю проєктів фінанцованых із жупных еврофондів належыть Пряшівскый самосправный край меджі найактівнїшы крайскы самосправы, інформовала Єленёва.

Выбране і скорочен зо статї Петра МЕДВІДЯ, ЛЕМ.фм. ґрафічна і языкова управа: АРК в СР.