11. 9. 2020: Мілан ҐАЙ: Покушіня, Новый рочок, Клядба (Духовны стихы)

Мілан Ґай

Покушіня

Сатан нас покушать
і хоче нас звести,
увірьме Господу
тримайме го в чести.

Лем він нам поможе
гріху одолати,
од нёго чекайме
покій – благодати.

Бо нихто на світї
о нас так не стоїть,
із ним ани Сатан
на нас не доволить.

Бог тя посилнює
і давать покоя,
жебы была позбавена
грїху душа твоя.

Давать віру, надїй
до жывота твого,
веде охотно жывотом
як сыночка свого.

 

Новый рочок

Што нам новый рочок
даш добре до дару,
жывот повный щастя
ці даяку кару?

На хосен няй буде
він із нас каждому,
і принесе щастя
до каждого дому.

Яке буде в новім роцї
наше одношіня,
ці з ним прийде щастя, радость,
а може траплїня?

Кедь будете із молитвов
тот рік зачінати,
то вірьте, же Господь і вам дасть
своёй Блаґодати.

Оддавайте почливости
сусїдам, ближнёму,
то Господь прийде за вами
до вашого дому.

 

Клядба

Родичі духовный
жывот занедбали,
ходити до церкви
дїтям не казали

Баба моя, мама і я
Паркінсона маме,
клятбу на нас нашмарену
рокы прожываме.

Не дарить ся нам в жывотї,
фурт дакы проблемы,
так як бы із нами ішли,
были нам суджены.

Нияке чудо і зазрак
тото уж не зможе,
але увірьме Господу,
бо тот нам поможе.

(З приправлёваной книжкы.)