12. 1. 2019: Одбыло ся 8. засїданя вузшого кругу языковой комісії

  • Участници 8. засїданя вызшого кругу языковой комісії: (злїва) А. Плїшкова, К. Копорова, З. Цітрякова і М. Голубкова.

    Участници 8. засїданя вызшого кругу языковой комісії: (злїва) А. Плїшкова, К. Копорова, З. Цітрякова і М. Голубкова.

18. децембра 2018 ся зышли  в тім роцї по третїй раз (хоць не в повній зоставі) членове вузшого кругу языковой комісії при ІРЯК ПУ. 

Вокалічны алтернації были главным пунктом, о котрім притомны членове комісії (доц. ПгДр. Анна Плїшкова, ПгД., Мґр. Зденка Цітрякова, Мґр. Міхала Голубкова і коордінаторка комісії ПгДр. Кветослава Копорова, ПгД.) діскутовали. Ішло о хоснованя в жывій бісїдї слов з алтернаціями (такых як: рік – рочный – рочник/річник; ніч – ночляг/нічляг; пчола – од пчол/од пчіл; коза – козїй/кізїй...). Вшыткы притомны ся згодли на тім, же при встановлїню норматівной формы (з алтернаціёв, або неалтернованов подобов) спорных слов мала бы ся брати до увагы актуална жыва бісїда в єднотливых русиньскых діалектах, хоць в дакотрых припадах є ясне, же історічно ся вжывала форма з алтернаціёв. Хоснованя термінів тіпу орфоепія/ортоепія, орфоґрафія/ортоґрафія, міфолоґія/мітолоґія были другов діскутованов темов. Друга форма слов была членами комісії преферована ай з оглядом на недавно выданый Ортоґрафічный словник професора М. Капраля про Русинів в Мадярьску. 

Накілько ся шыршый круг языковой комісії уж не подарило до кінця рока 2018 скликати (як то было заплановане), тота стрїча ся пересувать на рік 2019. Шыршому кругу будуть предложены на діскусію конкретны выслїдкы роботы – пропозіції на корекцію правил правопису за рік 2018.

ПгДр. Кветослава КОПОРОВА, ПгД., коордінаторка языковой комісії при ІРЯК ПУ.
 

Script logo