13. 11. 2017: Одбыло ся 5. засїданя вузшого кругу языковой комісії
Члены вызшого кругу языковой комісії: Й. Сіпко, В. Ябур і К. Копорова.
Членкы вызшого кругу языковой комісії: А. Плїшкова і М. Голубкова.
3. новембра 2017 ся зышли по пятый раз члены вузшого кругу языковой комісії, котра обновила свою роботу по IV. Меджінароднім конґресї русиньского языка (септебер, 2015). Комісія была доповнена новов членков – докторандков Інштітуту русиньского языка і културы ПУ – Мґр. Міхалов Голубковов, также в сучасности у вузшім кругу языковой комісії роблять тоты члены: проф. ПгДр. Йосиф Сіпко, ПгД., доц. ПгДр. Василь Ябур, к. н., доц. ПгДр. Анна Плїшкова, ПгД., ПгДр. Кветослава Копорова, ПгД., Мґр. Зденка Цітрякова, Мґр. Міхала Голубкова.
Комісія на своїм засїданю проїднала далшых десять спорных пунктів, котры члены комісії дорїшать, наформулують до пропозіцій на зміны у правилах правопису і наслїдно предложать шыршому кругу, котрый коордінаторка комісії Др. Копорова планує скликати до кінця рока 2017.
Вузшый круг языковой комісії ся буде ай в роцї 2018 сходити (мінімалнї двараз за рік, aбо подля потребы), шыршый круг наслїдно буде о вшыткых пропозіціях на зміны інформованый і буде мати можность ся к них высловити.
ПгДр. Кветослава Копорова, ПгД., коордінаторка языковой комісії при ІРЯК-ПУ
