14. 8. 2025: Выстава під назвов Вызначный сын русиньского народа – російскый малярь Іґор Ґрабар

Російскый центер наукы і културы в Братїславі, Надація Руського клубу 1923 і обчаньске здружіня Руськый клуб – 1923 позывають Вас на выставку Вызначный сын русиньского народа – російскый малярь ІґорҐрабарь. Вернісаж ся одбуде 25. авґуста 2025 в Руськім домі в Пряшові на ул. Главній 62. Выстава буде одкрыта до 17. септембра 2025.

Іґор Ґрабар (1871 – 1960) – вызначный російскый малярь, історік уменя, теоретік уменя, музейный робітник і педаґоґ русиньского роду. Ёго отець Емануіл Ґрабар быв посланцём мадярьского парламензу, мати Ольґа Ґрабарова, род, Добряньска, дївка знамого русиньского будителя Адолфа Добряньского.

І. Ґрабарь є ёднов з вызначных особностей російского вытварного уменя 20. стороча. Творчій і научный одказ І. Ґрааря доднесь удивлять своёв глибинов, атуалностёв і розсягом ёго особности.

Цїлём выставы є представити позерателёви всесторонню особность і дїятельство І. Ґрабаря, вказати на ёго значіня про російску і світову културу, представити ёго творчу і научну путь.

Выстава є зо збірок Третяковской ґалерії в Москві, Російского музея в Сант Петербурґу, Всеросійского научного рештавраторьского центра І. Е. Ґрабаря в Москві, Російского штатного архіву філмовых, фотоґрафічных і звуковых документів у Краснодарьску, Волґоґрадьского мезея-резервації і Єґорєвского умелецько-історічного музея.

Федор ВІЦО, председа ОЗ Руськый клуб – 1923. Языкова і ґрафічна управа: АРК СР.