16. 2. 2021: Вмер русиньскый писатель Михаіл Град

15-го фебруара 2021-го року, вмер русиньскый писатель, поет і публіціста, председа Союзу русиньскых писателїв Закарпатя Михаіл Град. Вмер у віцї 70 років.

Михаіл Град народив ся 10-го новембра 1950-го року в Березові, Хустьского раёну, до родины верховиньского селянина. Быв із семох дїтей. Вже як десятьрочный став сиротов, кедь му вмер отець. Матери тяжко было выховалёвати малолїтны дїти і так Михаіл мусив навчати ся в Чорняньскім дїтьскім домі і в Донецькім інтернатї. Школу закінчів у 1968-ім роцї і пішов робити до Тячова. О рік пізнїше наступив на воєнсьску службу. По войньскій службі ходив на заробіткы.

У 1976-ім роцї зачав робити в Металозаводі в Тячові, од робітиника выпрацовав ся аж на інжінїра і ведучого оддїлїня. Коло роботы закінчів Львіскый технікум радіоелектронікы, Орчаньске педаґоґічне ущілища, Ужгородькый інштітут підвышіня кваліфікації учітелів фізікы і Львівску політехніку. Од 1981-го року учітелёвав, і од року 2000 быв доктором мануалной роботы і шофером Червеного креста-добровольником.

Михаіл Град быв у 2001-ім роцї на першім конґресї выбраный за голову Союзу русиньскых писателїв Закарпатя. В Тячові основав раённе Общество Подкарпатських русинов, дві русиньскы недїльнї школы і раённу молодежну орґанізацію Александра Духновіча.

Написав книжкы в російскім, україньскім і русиньскім языку, в котрых є історія, поезія і співанкы Русинів. Меджі нима Сердце солдатаЧари земніЗакувала ЗозулицяСини МараморошаМарамороські наспівиРусинські писателі ЗакарпатяРусинські співанкы МараморошаТалановита ТячівщинаПроміння серцяТячів – місто моє.

У 2018-ім роцї Меджінародный фонд „Русская премия“ выголосив го за лавреата премії за великый влкад до розвитку русиньской літературы. Єдночасно Град став і вітязом інтернетового голосованя. Вічная память!

Петро МЕДВІДЬ, ЛЕМ.фм, языкова управа: ред. АРК в СР

Script logo