17. 8. 2018: Вакації в музею

В рамках проєкту музейного обєктового навчаня Ку корїням, традіціям, цїнностям навщівило Вігорлатьскый музей в Гуменнім в часї першово півроку 2018 высше 1 200 учнїв осноных і середнїх школ. І почас лїтнїх вакацій дїтём понукав музей в денным таборах, центрах вольного часу і дїтьскых таборах коло Гуменного інтересны проґрамы.

Дїтьскы колектівы ся могли в музею допереду приголосити на інтересны проґрамы з тематіков історії, природознательства і уменя. Актуално проходить в музеє проґрам Слїды історії, присвяченый історії тіпоґрафії і історічным етапам у розвитку ремесел споєный із выставков Дванадцять патронів... охранцїв ремесел. В умелець-історічній експозіції і в шпеціалізованім навчалнім класї понукають ся темы світовой і реґіоналной історії, в природознательскій експозіції енвіроменталный проґрам споєный з выставков моталїв Переміна до красы.

Вакаційный проґрам про дїти нукать інтересно проведеный час з можностёв забавного розшырованя освіть, котра є у вольнім часї підсилана музейным оточінём і дїтьскым колектівом.

Інтеґралнов частёвв понукы суть гры едукачных актівностей у самобытнім просторї музею, інтересны лекції і діскусії, едукачне і інтерактівне цвічіня, творчі дїлнї, змаганя, тематічны проєкція філмів і позераня окремых выставок і музейных експозіцій подля догоды з ведучіма дїтьскых ґруп.

Музейны проґрамы, заміряный  на освіту гров і позітівне пережываня вакацій проходить в музею почас робочіх днїв до 22. авґуста 2018.

Мґр. Яна ФЕДІЧОВА