18. 2. 2025: Стрїча комітету експертів Европской харты реґіональных або меншыновых языків

Як поінформувал Нижньошлезскій Воєвідскій Уряд во Вроцлаві, 13. лютого/фебруара, зачала ся там дводньова стріча Комітету Експертів Европейской Карты Реґіональных або Меншыновых Языків.

То важна стріча посвячена оціні діянь Польщы для охороны і промоциі меншыновых языків. Стрічу отворила нижньошлезска воєвода Анна Жабска. Засіданя веде віцеміністер Внутрішніх Справ і Адміністрациі Томаш Шыманьскій. Серед участных сут м.ін. Ришард Ґалля, порадник Маршалка Сойму дс. Меншын, Катажына Ковнацка, директорка Департаменту Реліґійных Віроісповідань і Нацийональных і Етнічных Меншын та представникы Міністерствa Культуры і Нацийональной Спадковины, Міністерства Нацийональной Едукациі, Міністерства Наукы і Высшого Шкільництва, представникы Порадного Комітету Европейской Карты Языків та Марийоля Абкович, полномійна нижньошлезской воєводы дс. нацийональных і етнічных меншын. Експерты Рады Европы проанализуют імплементацию постанов Карты та омовлят рекомендациі тыкаючы дальшых діянь. Стріча є нагодом до выміны досвідчынь, омовліня поступів та вызвань звязаных з охороном реґіональных і меншыновых языків в Польщы.

Ленка Стефановска, ЛЕМ.фм. Языкова і ґрафічна управа: АРКСР.

(Публікуєме в оріґіналї – лемківскім варіантї русиньского языка.)