19. 3. 2026: Календар подій Стоваришыня Лемків в 2026 році

Стоваришыня Лемків – найстарша повыселенча лемківска орґанізация, діюча од 1989 р., протягом 2026 рока зорґанізує пят подій:

• 23.-24. мая – 13. Бієнале Лемківской/Русиньской Культуры – RuthenAle в Креници (орґанізує креницкій Кружок СЛ);
•  31. липця/юлия – 2. серпня/авґуста – 46. Лемківска Ватра на Чужыні в Михалові;
•  19.-20. вересня/септембра – 32. Лемківска Творча Осін (орґанізує креницкій Кружок СЛ);
• жолтен/октобер (точна дата не єст іщы знана) – 34. Стрічы з Лемківском Культуром в Ґожові Великопольскым (орґанізує ґожівскій Кружок СЛ);
• 24.-25. жолтня/октобра – 20. Стрічы Трьох Поколінь з Лемківском Культуром в Пшемкові і Любіні (орґанізує пшемківскій Кружок СЛ).

До того списку треба додати шторічный Ден Русинів в Польщы, якій все єст празднуваный 5. грудня/децембра – 108. річниця віче во Фльоринці, якє дало початок Рускій Народній Республиці Лемків.

 

Жрідло: Севериян КОСОВСКІЙ, лем.фм. Публікуєме в оріґіналї – лемківскім варіантї русиньского языка. Скорочіня і управа: АРК СР.