19. 7. 2018: Новым директором ММУЕВ у Меджілабірцях став Мартін Цубяк

Новым директором Музею модерного уменя Енді Варгола (ММУЕВ) у Меджілабірцях є од 1-го юла 2018 Мартін Цубяк. На основі рекомендації выберовой комісії го до функції 25-го юна 2018 р. меновало Заступительство Пряшівского самосправного краю (ПСК).

„Новому директорови жычу много успіхів в ёго роботї. Меджілаборецькый музей Е. Варгола мать своє місце в краю, але і на Словакії. Вірю, же турбулетный період, котрый быв в попереднїх роках і місяцях, є уж за нами,‟ повів председа ПСК Мілан Маєрьскый. Цубяк быв од марца т. р. повіреный веджінём музею. Як повів, першім рядї ся намагав музей персонално стабілізовати, приготовити дакілько выстав, мать многы візії, котры хоче реалізовати, бо в тім роцї музей ославитьі 90. народенины Енді Варгола. „Єднов із причін , чом єм ся вернув до музею, была жадость родины Е. Варгола, але і пріватных зберателїв, котры проявили довіру в мою особу і хотїли, жебы єм там пришов і даякым способом то ґарантовав,‟ сконштатовав Цубяк.

Музей, подля ёго слов, планує здобыти далшы Варголовы умелецькы творы. Мартін Цубяк є абсолвентом Філозофічной факулты Пряшівской універзіты в Пряшові, одбору естетіка і філозофія. Робив у пріватных фірмах, як лектор, музеоедуколоґ і куратор ММУЕВ у Меджілабірцях.

ТАСР