2. 6. 2025: Позваняна на отворїня 13. рочника Studium Carpatho-Ruthenorum 2025

Мілы колеґынї, важены колеґове, довольте мі, жебы єм вас в менї Центра языків і култур народностных меншын – Інштітуту русиньского языка і културы Пряшівской універзіты сердечно позвала на святочне отворїня 13. рочника нашого 3-тыжднёвого навчалного проєкту Studium Carpatho-Ruthenorum – Меджінародной лїтнёй школы русиньского языка і културы, котре в Театрї Йонаша Заборьского у Пряшові, в недїлю, 8. юна 2025 од 18.00 год.

День Русинів Словакії

Єдночасно даю до відомости, же вершынов цїлонародного святкованя  Дня Русинів Словакії 2025 в Пряшові буде ґалаконцерт Дня Русинів,  котрый орґанізує Русиньска оброда на Словакії і зачне ся в тым же театрї од 16.00 год.

Цїлонародны ославы зачнуть од 14.00 год. пьєтным актом при Памятнику Александра Духновіча, по котрім буде слїдовати кроёвана маніфестація по містї Пряшіві а од 15.00 год. у Театрї Йонаша Заборьского одуде ся вернісаж выставы вытварных робот з назвом Русины в образох.

Ґалапроґрам понукне богатый културный проґрам, у якім выступлять: фолклорна ґрупа Дубрава з Пряшова, співацькы ґрупы Вінок із Шарішского Ястрабя, Кычара із Снины, Радость із Камюнкы, співаци Натакія і Николай Петрашовскы з Гуменного, співацьке тріо Лабірьскы бетыре з Меджілаборець, музикант Йожко Конпча із Свідника і декламаторкы Марії Хомовой з Ряшова.

Подїя є святом русиньской културы, традіцій і ідентічности. Щіро позываме вшыткых інтересуючіх ся і любителїв русиньской културной дїдовизны.

Мґр. Аліца ВЄТОШЕВОВА, Пряшівска універзіта, Центер языків і култур народностных меншын., Інштітут русиньского языка і културы, Ул. 17. новембра 1, 080 01 Пряшів, 00421 51 75 70 253, urjk@unipo.sk, alica.wietoszewova@unipo.sk.