2. 7. 2016: 25 років од выданя 1. чісла Народных новинок святкуєме 21. 8. 2016

К 25-річному юбілею Народных новинок редакція планує выдати святочне чісло новинок і в нїм опубліковати анкету з одповідями нашых довгорічных чітателїв, передплатителїв,  дописователїв і сполупрацовників. Просиме каждого, хто має інтерес помочі створити юбілейне чісло Народных новинок, жебы до редакції послав свою одповідь, респ. курту статю (макс. на 1 сторінку) на вопрос: „Як оцїнюєте взник Народных новинок і їх роль в народно-ідентіфікачнім процесї Русинів по роцї 1989?‟ Таку форму сьме зволили зато, жебы дати можность одповісти каждому, нелем тому, кого ословиме особным писмом. Векшына текстів буде опублікована у святочнім чіслї Народных новинок з датумом 21. авґуста 2016, далшы потім у наступных тогорічных чіслах (подля множества). Термін на посланя одповідей (статей) є до 31. юла 2016 року. Чекаме на Вашы писма і тїшиме ся, же русиньскым словом вєдно будеме мочі ославити четвертьсторічный юбілей Народных новинок. Уж допереду Вам дякуєме за Вашы одповідї.

 

Мґр. Александер ЗОЗУЛЯК, шефредактор

Script logo