2. 8. 25018: Ославы недожытых 90. народенин славного Русина – Енді Варгола

  • То є фіґлёвна i iнтересна монтаж на позваню – молодый Енді Варгол, але не новонародженый, у своїй кошульцї, в котрій быв похрещеный і котра є оріґіналным експонатом лабірьского музею.

    То є фіґлёвна i iнтересна монтаж на позваню – молодый Енді Варгол, але не новонародженый, у своїй кошульцї, в котрій быв похрещеный і котра є оріґіналным експонатом лабірьского музею.

Музей модерного уменю Енді Варгола в Меджілабірцях і Сполочность Енді Варгола в Меджілабірцях вас позывають на ославы недожытых 90. народенин світознамого умелця і єдной із найвызначнїшых особностей 20. стороча, Русина – Енді Варгола, котры будуть 6. авґуста 2018.

Тот день од 9.00 год. быде одкрытый спомянутый музей, потім од 11. год. пройде выступ лекторкы музею Ярмілы Сухой, а главный проґрам зачне од 14.00 год., кедь із теметічнов лекціёв, повязанов з презентаціёв експозіції, выступить директор музею Мґр. Мартін Цубяк. Тоты ославы суть в першім рядї дїлом умелецького манажера і куратора музею – ПаедДр. Михала Бицка, ПгД., F. A. B. I., якого сміло мож назвати „отцём того музею Е. Варгола“, першого такого роду в світї.

-аз-

P. S.: Xoць довгы рокы выголошуєме до світа, же Енді Варгол быв Русин, ёго родiчі Русины з русиньского села Микова на теріторії теперїшнёй Словакії, нажаль, ани на позваню, ани на проґрамі не обявило ся ани єдно речіня в русиньскім літературнім языку!?

Script logo