20. 6. 2017: TREBBIA про Михала Бицка
Міджінародну премію ТРЕББІЯ особно передав закладателёви Музею модерного уменя Енді Варгола у Міджілабірцях сучасный віцепрезідент Надації Енді Варгола в Ню Йорку Доналд Варгола (справа).
У вечернїх годинах 18. юна 2017 на 2. проґрамі Радія і телевізії Словакії у прямім высыланю мали сьме можность відїти передаваня Міджінародной цїны TREBBIA у репрезентатівных просторах Шпанєлской салы Пражского граду, котру дістали того року далшы вызначны особности културы і уменя.
Наша радость была о то векша, же міджі оцїненыма быв і Русин – Др. Михал Бицко, ПгД., єден із главных закладателїв і главный куратор Музею модерного уменя Енді Варгола у Міджілабірцях і емерітный презідент Сполочности Енді Варгола.
Ґратулуєме му ку тому оцїнїню.
