21. 2. 2018: Позваня на 46. научный семінар карпаторусиністікы

Інштітут русиньского языка і літерартуры Центра языків і култур народностных меншын Пряшівской універзіты в Пряшові позывать шыроку громаду на 46. научный семінар карпаторусиністікы, котрый ся одбуде 28. фебруара 2018 (середа) од 11.00 год. у засїдалнї Consilium maius (2. шток, ч. 328) Ректорату Пряшівской універзіты на ул. 17. новембра ч. 15. З лекціов Културна ідентіта Русинів у творах Штефана Сухого выступить Мґр. Івана Сливкова, ПгД., з Інштітуту середнёевропскых штудій Філозофічной факулты Пряшівской універзіты в Пряшові (Словакія). В проґрамі семінара буде і презентація найновшых выдань з карпаторусиністікы. Тїшыме ся на вашу участь.