23. 12. 2025: Выдали сьме співник Співанкы нашой мамкы авторок Каткы Романяковой і Марты Ржаговой із Хомутова

Іде о співанкы із Камюнкы і румуньского села Скеюш, де ся в роцї 1844 выстяговало пару родин із Камюнкы а потім по другій світовій войнї ся 200 русиьскых родин із Скеюша выстяговало до Чех а на Мораву на Судеты.

Так зробила і родина Мартякова, котра пришла із Скеюша до села Троскотовіце коло моравского Зліна а їх дївкы ся пооддавали до Хомутова. Там єдна із їх дївок, Катка Романякова із сетров Мартов Ржаговов заложыли ФК Скеюшан і із їх репертоара выбрав 50 співанок Тімотей Федор, котрый їх знотовав і ОЗ Колысочка – Kolíska їх теперь выдавать в данім співнику з фінанчнов підпоров Фонду на підпору културы народностных меншын, 2025. Од панї Терезії Мартяковой 300 камюньско-скеюшскых співанок записав іщі в 70-х роках 20. стороча втогды доктор, нескорї професор Миколай Мушынка. Сьме рады, же ся нам подарило заховати і в нотовій подобї холем тых 50 скеюшскых співанок, пару співанок зложыла ведуча ФК Скеюшан, панї Катка Романякова.

ПгДр. Люба КРАЛЁВА, ПгД., Пряшів, Словакія