24. 1. 2017: Перша мала Чінянка ся учіть по русиньскы

На русиньскый язык у Матерьскій школї на ул. Будовательскій у Снинї зачало минулого ходити в септембрї і єдно чіньске дївчатко. Зо зачатку не знало говорити ани по словеньскы, не то по русиньскы. Поступно але ся зачленило до колектіву і зачало найсамперше співати по русиньскы, хоць не розуміло ани слово по русиньскы, а теперь ся помалы і розговорило по русиньскы. То є прекрасне! Як дїтіочкы міджі себе возьмуть каждого нового чоловіка і поступно, як ся з ним спознають, ся їм стане і близков приятельков. Русиньскы дїти в Матерьскій школї у Снинї не мали проблем міджі себе прияти і дївчатко з далекой Чіны.

Люба КРАЛЁВА

Script logo