24. 4. 2026: Розвинула ся сполупраца з Остравсков універзітов

23. 4. 2026 навщівив Інштітут русиньского языка і културы Пряшівской уніварзіты в Пряшові ПгДр. Їржі Муріц, ПгД. (на фотцї в серединї), ведучій Катедры славістікы Філозофічной факулты Остравской універзіты в Остраві, котрый припутовав до Пряшова в рамках проґраму учітельскых мобіліт Erasmus+.

Научна таёмнічка ПгДр. Кветослава Копорова, ПгД., унів. доц. (на фото справа)і одборный асістент Мґр. Михал Павліч, ПгД. (на фотцї злїва)  договорили далшу сполупрацу з Остравсков універзітов – можность семестралной стажы нашых штудентів на Катедрї славістікы, як ай участь нашых молодых колеґів на конференції, котру Катедра славістікы в наступнім роцї планує зорґанізовати. ПгДр. Їржі Муріцови, ПгД. сьме подаровали найновшы публікації – зборникы з конференцій і высокошкольскый учебник Ґраматіку русиньского языка про їх бібліотеку.

К. К.