26. 11. 2018: Русиньскы іншпірації в Славяньскій бібліотецї

  • Церьков у Ясінї на Підкарпатьскій Руси, котра ся дістала і на поштову знамку І. Чeхословацькой републікы, бо была єй частёв. (З архіву Радана Лашка)

    Церьков у Ясінї на Підкарпатьскій Руси, котра ся дістала і на поштову знамку І. Чeхословацькой републікы, бо была єй частёв. (З архіву Радана Лашка)

В рамках святкованя сторічніцї выникнутя Чехословацькой републікы Нароодна бібліотека Чеськой републікы – Славяньска бібліотека вєдно із Обществом приятелїв Підкарпатьской Руси приправила выставку під назвов Спрязнены вольбов – Підкарпатьскы і русиньскы іншпірації і вызвы в чеській літературї.

Выставка представлює выбер чеськой, но часто і словацькой одборной літерартуры, белетрії, образовых публикацій і проводників іншпірованых жывотом і населїнём Підкарпатьской Руси. Як пишути орґанізаторы в анотації, позберали творы, котры выставлены і суть підтверджінём, як іншпіратівный быв і дотеперь є тот реґіон про чеськых умелцїв і науковцїв, і то незалежно од того, як ся там мінила політічна сітуація.

Выставка була святочно одкрыта в просторах Народной бібліотекы в Празї 1-го новембра 2018. Попозерати ю мож аж до 10. януара 2019 року.

-пен-

Script logo