26. 8. 2018: Пряшівскый самосправный край хоче оцїнити далшы осoбности і колектівы
• В минулім роцї, окрем іншых, дістав Цїну председы Пряшівского самосправого краю (ПСК) і Русин-фоклоріста Штефан Штець.
Вызначны особы і колектівы реґіону можуть за свої заслугы здобыти Цїну ПСК. Пропозіції на оцїнїня може подати будьхто спомеджі людей до 30-го септембра 2018, а то на адресу: Уряду ПСК (Úrad PSK, Námestie mieru 2, 080 01 Prešov).
В номінації треба написати мено і призвіско пропонованого лавреата і коротку арґументацію, чом бы мав быти оцїненый. Подля інформацій Л. Гайловой з ПСК лавреатів схвалює крайске заступительство на рекомендації комісії про удїлёваня оцїнїнь. Цїна ся удїлює за довгорічный міморядный принос до розвитку краю і вызначны заслугы у вшыткых областях жывота. Цїну творить умелецькый твір – ґотічны ворота з дошырока отвореныма дверями, котры суть сімболом приїманя новых імпулзів.
Особности і інштітуції, котры приспіли до ожывлїня економікы, пропаґації реґіону, досягли необычайны успіхы або помогли при захранї людьского жывота ці матеріалных цїнностей, пропонує і оцїнює жупан. Цїну председы ПСК – обякт припоминаючій людьске сердце з крылами по боках – влони, окрем іншых, перевзяв і фоклоріста Штефан Штец. Авторков обох творів-оцїнїнь є академічна сохарька Ева Фішерова.
ПСК в тім роцї удїлить оцїнїня уж 15-ый раз. Святочный ґалапроґрам ся одбуде традічно в децембрї на великій сценї Театру Йонаша Заборьского в Пряшові.
(Жрідло: TASR (Kor. AK)