27. 1. 2017: „Старо-новы Народны новинкы‟

По 25-ёх роках выдаваня ґазеты Народны новинкы і 13-ёх роках выдаваня новинок Інфо Русин – інформачного двотыжденника Русинів Словеньска, по многых роках розділёваня нашых сил, ся нам подарило доїднати на выдаваню єдных новинок, котры будуть про вшыткых. Днесь выдаваме перше двочісло ґазеты під назвов „НН інфо Русин – Народны новинкы Русинів Словакії“. Од фебруара традічно каждый другый тыждень нове выданя. Єм радый, же єм міг остатнї рокы быти шефредактором Інфо Русина, і же од теперь мам тоту почливость быти шефредактором ґазеты, котра є повязана із традіціов першых пореволучных новинок Русинів в Чехословакії (потім Словакії) – Народных новинок. Дякую вшыткым моїм колеґам, котры зо мнов дотеперь робили новинкы, котры помагають творити якостный обсяг, і котры, вірю, будуть брати участь в нашій роботі і далше. Най вам то народ не забуде! (Позн. А. З.: Кідь мать быти в назві „старо-нового періодіка‟ „НН‟  неадекватне назві „Русин‟, потім то высміх, не почливость за 25 років выдаваня „Народных новинок‟.)

Петро МЕДВІДЬ, шефредактор „НН інфоРусин – Народны новинкы Русинів Словакії‟.

Script logo