27. 10. 2019: 140-роча першого русиньского ґрекокатолицького єпіскопа у США

Василь Такач (Takach Basil) народив ся у 27. 10. 1879 у Вучкові, в тогдышнїм Угорьскім кралёвстві, теперь на теріторії Україны і умер 13. 5. 1948 у Піттсбурґу, штатї Пенсілванія, США. Быв священиком і першым єпіскопом русиньского ґрекокатольцького віросповіданя в США.

По скінчіню Ужгородьской ґрекокатолицькой богословской семінарії быв у 1902 р. рукоположеный у Мукачовскій єпархії. У 1911 р. ёго призначіли до єпархіалной адміністрації в Ужгородї, де служыв як директор акціонарьского друкатьского общества „Уніо‟, предсеа штудентьского інтернату „Алумнеум‟, а пізнїше як професор і духовник Ужгородьской богословской семінарії (1920 – 1924). У 1924 р. Такач быв высвяченый на єпіскопа і одправили го до США, де він до своёй смерти у 1948 р. быв на челї Піттсбурґского рутеньского (русиньского) екзархату.

Почас єпіскопства В. Такача Ватікан выдав декрет „Кум дата фуеріт‟ (1929), якым зась підтвердив целібат ґрекокатольцькых священиків у США і выжадовав переписати вшыток церьковный маєток на мено єпіскопа. Намаганя В. Такача

завести декрет до жывота стрїтили ся з многыма протестами ёго властных священиків і віруючіх на челї з Обїнанём ґрекокатолицькых руськых братств і тримали выше десять років. Наслїдком став розкол ґрекокатолицькой громады, у выслїдку чого выникла самостатна Амерьцька карпаторусиньска православна єпархія (1938), як алтернатівна на челї з В. Такачом юрісдікції.

Література: Basil Shereghy, Bishop Basil Takasch: „The Good Shepherd“ Pittburgh. Pa., 1979).

Павел Роберт МАҐОЧІЙ, здрой: „Енциклопедія історії та культури карпатських русинів‟ зоставителїв П. Р. Маґочія і І. Попа. Ужгород: „Видавництво В. Падяка‟, 2010, с. 721, переклад: А. З.