27. 3. 2020: Юрко ХАРИТУН: Правда така, Колись і так, Жажда (Стихы)

Юрко ХАРИТУН

Правда така

Любов під стрїхов
была потїхов
нелем у снах
Любов потїхов
буде і в моїх віршах
Любов не знає меджї
Не робить плоты навколо
Правда така
потїхов буде
на цїле жытя

Колись і так

Не од плуга
на челї борозды
Од думок зморщкы
Не од доджів
змокнута тварь
Слызы од жалїв
течуть як потік
через хотарь
Не жыю лем у снах
Правда колись і в моїх віршах

Жажда

Прийдеш 
Остань до рана
І не май страх
Лем твої груди
рімами будуть
у моїх віршах
Жажду загасиме водов
Жалї не треба
поможе любов
Ты не хотіла прийти
Рано сиджу під стрїхов
Пю чорный кавей гіркый

(Выбране з Літературного конкурзу Марії Мальцовской, рік 2019)