28. 4. 2025: Навщіва з Вроцлавской універзїты в Інштітутї русиньского языка і културы Пряшівской універзіты

Дня 23. апріля 2025 Інштітут русиньского языка і културы Пряшівской універзіты в Пряшові навщівили штуденты філозофії і културолоґії Вроцлавской універзіты в Польску. До Пряшова в рамках проґраму Ерасмус+ їх допроводжовав Др. габ. Павел Коробчак.

Представили сьме їм Інштітут русиньского языка і културы, ёго роботу і проєкты, котры реалізуєме, враховано Меджінародной лїтнёй школы русиньского языка. Мали можность попозерати собі публікації, якы ІРЯК выдає і відїти Бібліотеку карпаторусиністікы. Сучастёв проґраму была і лекція доц. Валерія Падяка на тему Александер Духновіч і ёго пропоїня з містом Пряшів. На конець пороґраму штуденты Вроцлавской універзіты вєдно зо штудентами Пряшівской універзіты (ІРЯК і Інштітуту філозофії і етікы ФФ) взяли участнили у квізї заміряного на познаваня трёх култур – словацькой, русиньской і польской.

Віриме, же тота іншпіратівна стрїча не была послїдня і тїшиме ся на далшу сполупрацу, ці уж на Пряшівскій універзітї, або у нашых польскых партнерів.

Мґр. Михал ПАВЛІЧ, ПгД., Інштітут русиньского языка і културы