29. 10. 2018: Сторічніця карпаторусиньской парохії в США

10-го аж 12-го октобра 2018-го року в америцькім містечку Корінґ (Coring, NY) проходив праздник сторічніцї основаня парохії Покровы Пресвятой Богородіцї, котрой парохом є о. Даниіл Малер.

Святкованя зачало 10-го октобра і закінчіло ся 12-го октобра Божественнов літурґіёв, котру одслужыв владыка Ґриґорій, тітуларный єпіскоп Ніссы, Америцькой карпаторусиньской єпархії в США.

Корінґску парохію у 1914-ім роцї заложыли еміґранты з Пряшівской Руси (главно зо Стащіна в Сниньскім окресї), котры ідучі за хлїбом і лїпшым жывотом, зачали ся населяти в тій околіцї од кінця ХІХ. стороча. На зачатку была то ґрекокатолицька парохія, але в 30-ых роках ХХ. стороча з причіны латінізачной політікы церькви (мімо іншого, ватіканьскый заказ высвячаня женатых кандідатів на священиків), яку не принимали карпатьскы Русины, віруючі 37-ох парохій (в тім і парохії з Корінґу), котры скликали локалныйн собор у пенсілваньскім Піттсбурґу, вырїшыли перейти під юрісдікцію православного Вселеньского патріархату, з котрого – што підкреслили зобраны на соборї – хрістіаньство принесли до Карпат солуньскы братя, св. Кіріл і св. Мефодій. Тым способом была основана нова єдміністрачна єдініця в рамках патріархату – Америцька карпаторусиньска єпархія США. Першым патріархом быв іщі родженый у Старім краю, в селї Ортутова коло Бардеёва – єпіскоп Орест Чорняк (1883 – 1977).

Демко ТРОХАНОВСКЫЙ, лем.фм