29. 3. 2020: Все молода Марька Мачошкова...

Марія Мачошкова (Marka Mačošková) народила ся 30. 3. 1940 в Потічках, втогдышнёй Чехословакії, теперь на теріторії Словакії. Є русиньсков співачков і културнов діятельков на Словакії.

По скінчіню міщанкы в Стропкові М. Мачошкова вступила до втогдышнёго „Піддуклянського українського народного ансамблю‟ в Пряшові (теперь ПУЛС), де выше сорок років (1956 – 1998) выступала як хорістка і перша солістка. В 1964 роції выступала з Державным орхестром народных інштрументів радіа м. Брно і з Орхестром цімбалїв Яношка в Празї. М. Мачошкова є челнов популарізаторков русиньской народной музики і співу нелем в Пряшівскій области, але і по цїлій втогдышнїй Чехослобвакії по Другій світовій войнї. Із зачатком 1960-ых років фактічно каждый рік путовала і співала з Піддукляньскым україньскім народным ансаблём або з Орхестром радіа м. Брно в різных европскых країнах і в Северній Америцї. М. Мачошкова была із соловыма концертами в США, де в 1969 роцї выступила на першім народнім фестивалї в „Лемко-парку‟ в містї Монро (Ню Йорк). Голос М. Мачошковой мож чути з многых платень, казет і ЦД. В роцї 1985 была оцїнена названём Заслужена умелкыня Чехословакії.

Література: Helena Pastoráková, Marka Mačošková spomína (Prešov, 1996).

Павел Роберт МАҐОЧІЙ, здрой: „Енциклопедія історії та культури карпатських русинів‟ зоставителїв П. Р. Маґочія і І. Попа. Ужгород: „Видавництво В. Падяка‟, 2010, с. 454-455, переклад з україньского языкa: А. З.

Script logo