3. 2. 2016: Презентація новой книжкы Миколая Коневала

У четверь 4-го фебруара 2016 р. в просторах Словацького народного музею – Музею русиньской културы у Пряшові буде проходити святочна презентація новой книжкы з выдавательства Русиньской оброды на Словеньску.

 

Книжка в авторстві Миколая Коневала з Камюнкы вышла під назвов З русиньского сердця (2). Книжка поезій нукать многы лірічны образы, котрыма ся тягне міцна сполочна нитка русиньской тематікы. На презентації новой книжкы за участи автора, окрем декламацій новых поезій, выступлять і ёго родаци. Участникам ся із щірыма словами пригварить высокошкольскый професор Осиф Сіпко, рецензент споминаной книжкы, а із камюньскыма співанками обогатять подію Івана і Мартін Карашовы. Презетація зачінать о 15.00 год.

П. М.

Script logo