3. 2. 2016: Русины в Мадярьску будуть припоминати собі А. Годинку

13-го фебруара 2016 р. в Мадярьску буде проходити День памяти Антонія Годинкы, котрый орґанізує „Вседержавноє Русинськоє Самосправованя“. Два днї перед тым одбуде ся о Годинкови і конференція. Святкованя привітать головне місто Мадярьска – Будапешть.

Головне свято буде проходити в суботу 13-го фебруара, коли проґрам зачне панахідов на гробі академіка Антонія Годинкы, де Русины положать і вінцї вдякы. Уж традічно ся буде в рамках Дня памяти Антонія Годинкы передавати і премія, котра несе ёго мено. Проґрам буде обогаченый концертом.

Два днї перед тым, 11-го януара, буде проходити конфернція присвячена памяти Антонія Годинкы. На научній конференції будуть выступати із своїма рефератами Тібор-Мікловш Поповіч, Маріана Лявинець і далшы лекторы. Конференцію орґанізує Русиньска самосправа в містї Будапешть. Ґарантом проєкту є Штефан Лявинець, председа Світовой рады Русинів. Конференція буде проходити на адресі: Eötvös 10 Terézvárosi Kulturális Központ kamaraterem, 1067 Budapest Eötvös u. 10.

Антоній Годинка быв вызначный славіста, історік, академік Мадярьской академії наук, ректор Печской універзіты і честный председа Підкарпатьского общества наук. Народив ся 7-го фебруара 1864 року в селї Ладомирів на Пряшівскій Руси. Умер 15-го юла 1946 року в Будапештї.

П. М.

Script logo