3. 2. 2021: Недожытых 80 років од народжіня русиньского маляря на Словакії – Михала Чабалы

Михал Чабала (Михайло Чабала, Michal Čabala) нар. 4. 2. 1941 у Нижнїх Чабинах на Словакії і умер 3. 8. 2002 у Пршові на Словакії. Быв малярём русиньского походжіня в Пряшівскій области.

М. Чабала скінчів Середню умелецьку школу в Брнї у Чеську (1962) і Высоку школу вытварных умень у Братїславі  на Словакії (1969), де штудовав під веджінём Русина Дезідерія Міллого. Короткыйн час учів вытварне уменя на Універзітї П. Й. Шафарика у Пряшові. Од 1970 р. став вольным умелцём, робляючій главно у Пряшові. Зо зачатку у творчости М. Чабалы фіґуровали фіґуралны композіції і портреты, пізнїше веце ся зосередив на малёваня природных і містьскых закутин, главно населеныма Русинами на теріторії выходной Словакії. М. Чабала малёвав в імпресіоністічно-екресівній манерї, характерізуючой ся меланхолічным лірізмом, што векшынов строрюють ся комбінаціёв різных одтїнїв синёй і зеленой фарбы. Ёго монументална роботы  прикрашають верейны быдовы в дакілько містах і селах выходной Словакії. М. Чабала мав дакілько персоналных выставок і быв участником вшыткых колектівных выставок русиньскых умелцїв, котры ся одбыли в часї по роцї 1989 р.

Александер ЗОЗУЛЯК, здрой: „Енциклопедія історії та культури карпатських русинів‟ зоставителїв П. Р. Маґочія і І. Попа. Ужгород: „Видавництво В. Падяка‟, 2010, с. 798., переклад з україньского языка: А. З.