3. 6. 2021: Пряшівскый край дале веде в списованю жытелїв

Кількость списаных жытелїв Пряшівского краю підняла ся на 90,8 процента. В Пряшівскім краю ся од зачатку асістованого списованя списало 68 466 жытелїв і край тым далше веде в асістованім списованю в рамках цїлой Словацькой републікы.

У віторок, 2-го юна 2021, о тім інформовала говоркыня Списованя жытелїв, домів і квартелїв 2021 Ясміна Штаудер. Інформацію принесла аґентура TASR.

Асістоване списованя в Пряшівскім краю найскорїше іде допереду в селї Ломнічка. Другым найлїпшым селом є русиньска Ціґелка. На другім боцї суть села, котры мають найменше списаных, конкретно Ленартів із 66 процентами, і русиньска Вышня Яблїнка, де є затля списаных 68 процент людей.

Як повіла Штаудер, хоць асістоване списованя суть на Словакії і села, котры мають іщі і теперь під 50 процент списаны. Суть то села з вылученыма соціалныма комунітами.

Асістоване списованя зачало на Словакії 3-го мая 2021-го року, закінчіть ся 13-го юна. Хоснують го тоты, котры ся не годны были самосписати. У четвертім тыждню асістованого списованя ся цїлкова кількость списаных на Словакії підняла на 5,09 міліона жытелїв. З того асістовано ся затля списало 247 тісяч людей. Самосписало ся 86 процент населїня.

Петро МЕДВІДЬ, ЛЕМ.фм, ґрафічна і языкова управа: ред. АРК в СР.