3. 9. 2025: ПОЗВАНЯ НА V. МЕДЖІНАРОДНЫЙ КОНҐРЕС РУСИНЬСКОГО ЯЗЫКА В ПРЯШОВІ НА СЛОВАКІЇ
Важены колеґынї, важены колеґове, мілы любителї русиньского языка,
сердечно Вас позываме в днях 10. – 12. септембра 2025 на V. меджінародный конґрес русиньского языка, котрый орґанізує Інштітут русиньского языка і културы Пряшівской універзіты в Пряшові. Конґрес ся орґанізує по десятёх роках од послїднёго языкового конґресу і заєдно в Роцї русиньского языка.
Сердечно позываме науковцїв, бадателїв, фаховцїв, педаґоґів, штудентів і вшыткых, котры ся інтересують русиньскым языком і културов, взяти особну участь на тій вызначній подїї і запоїти ся до шырокой діскусії.
В прикапчанім документї найдете проґрам конґресу і мапу де ся буде конґрес одбывати (головный вступ до універзіты є в процесї реконштрукції - до будовы ся входить через бочный вступ, котрый є вызначеный на мапі).
Тїшиме ся на стрїтнутя з Вами в Пряшові!
За орґанізачный выбор конґресу
Мґр. Зденка Цітрякова, ПгД.,
Пряшівска універзіта в Пряшові,
Центер языків і култур народностных меншын,
Інштітут русиньского языка і културы,
Ул. 17. новембра 1 080 01 Пряшів,
