30. 8. 2017: З кошіцьков РОС за Адолфом Добряньскым

Містна орґанізація Русиньской оброды на Словеньску в Кошіцях приготовлює на 23-го септембра 2017-го року в рамках юбілейного Року Адолфа Добряньского путованя до Чертіжного і до Габуры.

Участны в Чертіжнім підуть посмотрити на гроб будителя, так само підуть і ку гробу Юлія Ставровского-Попрадова, вызначного русиньского священика, писателя і поета 19-го столітя. В Чертіжнім навщівлять і містну ґрекокатолицьку Церьков Вознесенія Господннёго ці господарьску будову курії Добряньскых.

В Габурї будуть годны участны відїти ґрекокатолицьку Церьков св. Михаіла Архістратіга із 18-го столїтя, далше репліку найстаршой деревняной Церькви св. чудотвроця Миколая, котрой оріґінал колись находив ся в селї і теперь є в Чеській републіцїхыбовати не буде ани выступ ку величезній скулптурї єдного із сімболів русинства – князя Лабірця.

Хто бы мав інтерес брати участь на події вєдно із кошіцькыма членами Русиньской оброды на Словеньску, може контактовати председнічку містной орґанізації в Кошіцях Марію Бицькову на телефонічнім чіслї +421 948 532 188.

-пм-