4. 10. 2018: 10. річниця премєры фільму “Мій Никыфор”
10 років тому (24. вересня/септембра 2004 р.) одбылa ся польска премєра премєра фільму Кжыштофа Краузе “Мій Никыфор” (Mój Nikifor). То оповіст о лемківскым артисті Епифані Дровняку (1895-1968), выдатным представнику примітивізму. Фільм остал барз добрі оцінений критыками і был вельократні нагороджуваний на фільмовых фестівалях (в Карловых Варах, Денвер, Чікаґо, Лодзі і ін.).
Головну ролю в фільмі заграла Кристина Фельдман (1916-2007), знана польска акторка. Была барз талантлива і выступувала в вельох інчых фільмах, але то “Мій Никыфор” был першым фільмом, в якым першоплянову ролю заграла 88-літня товды Фельдман.
Проба вказаня образу Никыфора-артисты была основном ідейом режысера, але обзераючы го Лемкы ждали фільму о Никыфорі-Лемку. Вшыткы надіяли ся, же буде в ним більше лемківскых елементів. На жаль – не было.
Демко ТРОХАНОВСКЫЙ, лем.фм
(Публікуєме в оріґіналї – лемківскім варіантї русиньского языка.)