4. 3. 2026: Карпатьска писанка 2026

Вігорлатьскый музей в Гуменнім у сполупраці з Окреснов орґанізаціёв Унії жен Словакії і тот рік зорґанізовав вже 34. рочник меджінародной конкурзной выставы під назвов Карпатьска писанка 2026. До конкурзу, в котрім мож писанкы робити різныма техніками крашіня, од стародавных аж по тоты найновішы, і тот рік залучіло ся 50 писанкарів. Святочна вернісаж Карпатьской писанкы 2026 вєдно із выголошінём выслїдків конкурзу, в рамках котрого оцїнёвала писанкы меджінародна одборна жюрї, одбуде ся в Концертній салї Вігорлатьского музея в Гуменнім 5-го марца 2026. Выставка крашанок буде в музею одкрыта до 10-го апріля 2026.