4. 4. 2018: Одышла до вічности сестра Николая Мыдликова, ЧСВВ

Вмерла сестра василіанка МУДр. Николая Ольґа Мыдликова – вызнамна особность (і кедь мало знама) ґрекокатолицькой церькви, докторка, в часї комунізму політічно переслїдована, у цівілній роботї жертвенно робила як докторка а по роцї 1989 ся стала сполузакладательков першой церьковной школы у Пряшові.  Была то раціонална, скушена, інтеліґентна і глубоко віруюча жена, досправды особность, котра ін меморіам заслужыть собі мінімално оцїнїня міста Пряшова, а можно і оцїнїня од презідента Словацькой републікы.

У недїлю Пасхы, 1. апріля 2018, одышла до вічности монашка Николая Ольґа Мыдликова з Чіну сестер св. Василія Великого. Погріб сестры Николаї буде в пятніцю, 6. апріля 2018, у Катералнім храмі св. Іоана Хрестителя в Пряшові о 10.30 год. Вічная єй память!

 

Петро Крайняк