5. 11. 2024: Схвалили штатут Рады влады СР про народностны меншыны

Влада Словацькой републікы на своїм засїданю 30. октобра 2024  схвалила штатут Рады влады про народностны меншыны, чім сповнила довготривале жаданя народностных меншын.

По послїднїй змінї компетечного закона, зачатком септембра Выбор про народностны меншыны і етнічны ґрупы трансформовав ся на Раду влады СР про народностны меншыны, але без штатуту не мала становлены компетеції. Схвалїнём споминаного штатуту Рады влады обіцять ся выникненя силного і компететного орґану на охрану і просаджованя прав народностных меншын, котрый мать быти одборным, порадным, коордіначным і конзултатівны орґаном влады. Рада розшырює заступлїня представителїв за централны орґаны штатной справы з наміром покрыти вшыткы сферы, котры ся торкають каждоденного жывота народностных меншын. Цїлём уповномоченого про народностны меншыны Акоса Горонї є, жебы ся в дїятельстві Рады окрем културных і языковых потреб, одзеркалёвали і економічны а реґіоналны інтересы народностных меншын. Председом Рады буде председа влады СР Роберт Фіцо а ёго підпредседом уповномоченый Рады влады про народностны меншыны. Чекать ся од даных змін в дїятельстві новой Рады силнїшый голос меншын, але і реґіонів. В одношіню із змінов компетечного закона влада минулого тыждня схвалила і зміну штатуту уповномоченого влады СР, притім посилнїня ёго компетенцій здобывать одповідность за коордінацію твочости і реалізації штатной політікы і повнїня задач в области народностных меншын. Найважнїшым приносом новой Рады буде то, же узнесїня і пропозіції законїв, котры ся тыкають і меншын, найсамперше ся продіскутують в Радї з актівным запоїнём представителїв меншын. 

-р- Здрой тексту і фото: Уряд влады СР.