5. 9. 2018: Скулптура Швейка стоїть уж і на станіцї в Меджілабірцях

На мапу міст із скулптурами доброго вояка Шейка прибыли і Меджілабірцї. Леґендарна постава стоїть на желїзнічній станіцї. Деревяну скулптуру Швейка одкрыли 25-го авґуста 2018.

В тім часї пришли до Меджілаборець влакы з обох боків. Пришов міморядный історічный моторовый влак у рамках Дня желїзніцї з Гуменного, а з протилежного боку з Польщі вікендовый влак вояка Швейка. Романовый ґерой Ярослава Гашка путує за 1-ой світовой войны на фронт до Галичі і через Меджілабірцї. Скулптуру Швейка вырїзали з дубового дерева (з пєдесталом мірять 2,5 м) почас різбярьскгого пленера на тогорічнім фестівалї. До воєньской уніформы го фарбами „облекла‟ вытварнічка Александра Сивакова. Місто од скулптуры чекать звышіня чісла турістів.

Скулптуры Швейка, окрем чеськых і словацькых міст, находять ся і в Польщі, на Українїі і в Росії. Гуменне мать аж дві скулптуры Швейка, єдна од академічного скулптора Ярослава Дротаря є на желїзнічній станіцї, друга є дарунком од ужгородьской самосправы, служыть як стоян на біціґлї в центрї міста.

Жрідло: „Korzár“, кор. АК