6. 12. 2018: Позваня на 51. семінар карпаторусиністікы

Інштітут русиньского языка і културы Пряшівской універзіты в Пряшові
Вас позывать на 51.  научный семінар карпаторусиністікы,  якый буде 12. децембра 2018 (середа) о 13.00 год. в засїдалнї Consilium maius (2. шток, ч. 328) Ректорату Пряшівской універзіты, ул. 17. новембра ч. 15. З лекціёв на тему  Гердер контра Геґел: Михайло Лучкай і концептуалізація історії карпатьскых Русинів выступить доц. ПгДр. Володимир Фенич, к. н. з Катедры новой i новішой історії і історіёґрафії Ужгородьской народной універзіты, Україна. В проґрамі семінара буде презентація найновшых выдань з карпаторусиністікы.