6. 8. 2017: В околицї Ужгорода одкрыли намістя Русина Енді Воргола, а в атріумі ОДА – выставку творів умелця

5 авґуста 2017 в селї Минай, котре є в околицї Ужгорода, одбыло ся святочне одкрытя намістя, назване на честь єдного з найзнамішых умелцїв 20. стороча – Енді Воргола. Датум быв выбраный не нагодно – 6. авґуста 2017 закладателёви поп-арту было бы 89 років.

 

Теперїшню назву бывше Октоброве намістя дістало в апрілю минулого року на основі закона «про декомунізацію». 5. авґуста 2017 председа Областной державной адмісністрації (ОДА) Геннадій Москаль особно одкрыв штілізовану табличку з меном Енді Воргола і попозерав на намістю встановлену стелу із зображінём єдного з найзнамішых творів художника і коротку інформачну справу о нїм. В рамках одкрытя Намістя Енді Варгола близко рештаврації Тиса председа ОДА одкрыв у атріумі ОДА выставку творів умелця.

На марґто: Енді Воргол, умелець русинського походжіня, народив ся 6. авґуста 1928 в Піттсбурґу (США). Ёго родічі – Русини із села Микова при містї Міджілабірцї (Словакія), котре є 100 кілометрів од Ужгороду. Родичі Е. Воргола еміґровали до США в тім періодї, коли Словакія і теперішня Закарпатьска область (Підкарпатська Русь)  входили до Чехословацькой републікы.