8. 7. 2026: Вышла тогорочна друга книжка Академії русиньской културы в СР

Меланія ГЕРМАНОВА народжена 3. 11. 1937 у Выдрани, жыє і творить у Габурї, теперь сьме выдали єй 5. книжку в русиньскім языку.

Выдана книжка представлять колекцію поезій, але і прозаїчных роздумів і особных споминань, котры ся зосереджують главно на войну і мір, родину і єй память, на традіцію і материньскый язык. Стихы і далши мініатуры передають войновы страты, грозьбы і жывот осироченых людей, причім прямують ку моралному апелу, котрый войну строго одсуджує, а мір наспак выздвігує.

Посолства Меланії Германовой не суть замолжованы ці іншов образностёв, праві наспак, пріорітов є їх передати прямо, чітательскы зрозуміло і такой. Авторка нераз ся опрерать о конкретны особы, місця і подїї, тексты суть вязаны на особны спомины і їх чітаня припоминать покійну почливу припомінку.

Авторкіна туга по мірї є формована каждоденными вартостями, якы бы мали тримати Русинів по купі: родина, робота, хлїб і материньскый язык. Ту уж можеме говорити о другій ровинї текстів, де є підкреслена потреба розвиваня або холем утримованя русиньского языка у родинах.

Тексты Меланії Германовой мають амбіції наповнёвати головно функції споминаня і споёваня краянів-Русинів, респ. перенос скушеностей, переданя i одчутя місць і подїй в чітательски приступній подобі. Рім і рітмус текстів має скорїше рамкову функцію, кедьже рітмічны очекованя скорїше посилнює зрозумітельность і запамятельность, якбы вытваряло оріґіналный образовый язык. Як цїлый текст зато фунґує главно в памятёво-комунікатівній ровинї, кедьже є чітательски приступный про споминкове чітаня і пєтны подїї, выужытельны про бібліотекы і школьске середовиско.

З рецензії Мґр. Михала Павліча, ПгД.