8. 7. 2026: OTВOРЇНЯ ВАРГОЛОВОГО МУЗЕЯ В МЕДЖІЛАБІРЦЯХ У НОВІЙ ПОДОБІ СЯ БЛИЖЫТЬ

Актуално жыєме лїтом, доволенкам, вакаціям і заслуженым одпочінком. Але я єм у каждоденнім высокім робочім темпі, бо розбігнуты проєкты простро не доволять мі одпочівати. Єден із них і з нашых найвекшых за послїднї рокы ся уж ближыть до великого фінале. Є то проєкт, на завершіня якого вшыткы нетерпезливо чекаме.

Уж 4. септембра 2026 про шыроку громаду отваряме Музей модерного уменя Енді Варгола в Меджілабірцях по ёго коплексній реконштрукції. Буде то модерный аванґардный музей із новыма експозічно-едукачныма просторами і з енвіроменталнима елементами в подобі зеленой веґенатівной стрїхы і унікатным споянём модерных мултімедіялныных іншталацій в інтерьєрї з самобытным екстерьєром.

Тот архітектонічно вынятковый проєкт принесе културну престижность цїлому реґіону і створить ексклузівне місце, де ся буде комбіновати уменя, техніолоґія і модерный дізайн. Нашов амбіціёв є, жебы новый музей став сімболом креатівности і модерного уменя, котрый буде пропаґаціёв нашо краю дома і в загранічу. Енді Варгол і ёго творы собі то наісто заслужать. Є то значка, котру знає цїлый світ а я єм гордый на то, же єй єдинов домовинов в Европі є праві наш музей.

Позначте сі до каледаря зачаток септембра і зробте собі час на велику ославу ёго зновузроджіня. Увидиме ся в Меджілабірцях.

Мілан Маєрьскый, председа Пряшівского самосправного краю