9. 1. 2025: Придьте на юбілейну выставку з малярьской творчости Андрія Смолака

Новый 2025 рік сьме зачали цалком актівно. По новорочнім концертї Вас на далшый тыждень позываме на выставу образїв Андрія Смолака під назвов Пішник ід родному дому.

Андрій походить із заникнутого русиньского села Старина в окресї Снина і зачав малёвати як молодый хлопець а якраз свій родный валал а потім Снину, портреты, акты... Сердечно Вас позываме на юбілейну выставу Андрія Смолака з нагоды ёго 70. народенин, на котрій представить свою цїложывотну творчость. Вернісаж даной выставы ся одбуде в СНМ – Музею русиньской културы в Пряшові 16. 1. 2025 од 16.00 год. Тїшыме ся на Вас.

Здрой: Люба КРАЛЁВА, СНМ – Музей русиньской културы в Пряшові, Масарикова 20