9. 2. 2017: Членьска громада СРПС і презентація найновшых выдань у русиньскім языку

Сполок русиньскых писателїв Словеньска (СПРС), Академія русиньской културы в СР і Інштітут русиньского языка і културы Пряшівской універзіты (ПУ) в Пряшові позывають членів СПРС на каждорічну членьску громаду Сполку русиньскых писателїв Словеньска, котра ся одбуде 22. фебруара 2017 (середа) од 9.30 год. в засїдалнї Consilium maius (2. шток, ч. 328) Ректорату Пряшівской універзіты в Пряшові, ул. 17. новембра ч. 15.

 

На тото істе місце в тот день од 11.00 год. позывають шыроку публіку на 40. семінар карпаторусиністікы і презентацію найновшых выдань красной літературы в русиньскім языку. Інтеґралнов частёв тых двох акцій буде лекція під назвов Червеный берег Людмілы Шандаловой, з яков выступить Мґр. Міхал Павліч, інтерный докторанд Центра языків і култур народностных меншын – Інштітуту русиньского языка і културы ПУ. По лекції буде автоґраміада авторів найновшых русиньскых книжок.

Тїшыме ся на Вашу участь.

А. З.