9. 7. 2021: Юрко ХАРИТУН: Орїшкы з лїскы, Мозаіка, Липовый листок (Стихы)

Юрко Харитун

 

ОРЇШКЫ З ЛЇСКЫ

Нияк забыти не можу

розконарену лїску за Гатёв

де мы зберали пацеркы-орїшкы

до табішкы

Тілько каталёк на нїй

як звіздочок на небі

У каждій по пять і шість

орїшків

Кілько їх до дїрок

до вотуків мышкы натолочать

Вовіркы до дупла

повны коморы наносять

Про дїточкы

ямка на лавцї

орїшок-скалка

Може хтось кусалку зробить

Солодкы зернятка

 

МОЗАІКА 

На пішнику

мозаіку зроблю

На кажду брылку

як каменарь

про нашу долину

выкрешу стишок

а з б у к о в

Така брыла

додає силу

На такім місцї

чуєш ся целебрітов

А світ прекрасный

мозаіка не засхне

 

ЛИПОВЫЙ ЛИСТОК

Як добрї нам двом сидїти

як пташкам у гнїздї

лем дотулити ся не можу

на тїлї твоїх звізд

А коли вітор розколыше липу

одорве сердце листок

было і буде моїм звыком

тебе засыпати добром

Іскру моёй поезії

однесе вітор

про тебе была гірка

Дай хоць поплакати

на твоїх руках

(З приправлёваной книжкы Юрка Хцаритуна – Надгоріты мої днї.)

Script logo